亞洲萬里通兌換更改, 好左定差左呢??

各位朋友好, 又係小編同大家玩里數既時候啦!!

這兩日只要一打開面書, 就見到各大的旅遊博客講解亞洲萬里通轉制的新聞, 6月22日就係轉制的日子, 咁究竟新制好D定係舊制好D呢?? 博客們都各執一詞, 咁小編酒店控-LOUIS又點睇呢??

我一陣先話俾你聽我點諗, 首先貼返D改制後的基本資料:





1)首先你俾錢買機票所儲的里數會比舊制多!! 不過如果大家都有玩開里數的話, 有幾何會俾錢買機票?? (對小編來說無影響, 我都唔會買機票)

2) 國泰及國泰港龍航空獎勵機位增加 佢地話會放多左20%既位出來俾人換喎,

對我來說, 我就最鐘意換首爾機票, 我之前換開都唔難換, 可能每日都有好多班機. 但係一D熱門航線例如日本航點就好心佢放多D啦!! (其實我都係成日聽到人地換唔到日本, 其他地方都唔難換啦)

3) 新的對換表格 終於都戲肉啦, 小弟唔係里數專家, 所以希望用最簡單的方法來表達, 以下為新的兌換里數表格 (呢個係單程需要既里數)

“LOUIS KWOK, 睇唔明喎, 咁究竟係好左定差左呢??”

 真係好多謝亞洲萬里通, 大家可以透過其網頁去查(請按我)在新兌換表下, 究竟用多左定少左里數去換. 等我幫佢賣下廣告先 (小編無收錢架!!) 

如果大家好鐘意去日本的話, 咁你就正啦, 因為如果你飛經濟艙, 新制下來回只要20,000里, 足足俾之前平左1/3 , 好抵呀!!

想同女神去巴厘島玩下, 都係平左10,000里喎, 只要20,000里就飛得

小編最鐘意坐商務艙去首爾玩, 但原來同以前一樣都係50,000里

咁如果坐商務艙再遠d去歐洲巴黎玩呢?? 點知要加價, 而家要130,000先可以訓住飛巴黎

好簡單做個總結:

如果你坐經濟艙, 你係毫無疑問只會打和或著數左!!
但如果你只係坐商務或以上, 我就覺得無乜著數啦!!

 “Louis kwok, 咁你自已又點睇呢??”

 好簡單, “無眼睇”, 因為 

“而家d經濟艙機票平到咩咁, 我駛鬼用里數換咩??? 我咁辛苦儲里數都係想換商務艙俾自已同家人享受下生活啫!! “

 總結: 

呢幾日我睇左好多好多編有關於改制的文章, 有的分析劣弊, 有的教人去用單程不斷砌幾個trip. 各大旅遊博客都各有意見, 但我覺除左儲亞洲萬里通外, 大家都要做多手準備, 儲下Avios, 因為如果大家要玩短途幾個trip連埋一齊, Avios始終都係短途利器!! 不過我覺得都要等下6月22日後出多D細節先再諗, 因為我都要等老婆生埋先之飛去邊XD

 (里數達人 小斯 都有提過要兩邊 (AM同AV)靈活運用(按我連結), 始終薑係越老越辣, 其實佢好後生咋 )