酒店談心攻略(孕婦編)

各位朋友好, 又係我酒店控-LOUIS教大家玩酒店的時候啦!!

小編跟太太的心血結晶-小小酒店控會於9月面世, 我們一家人都好開心 好期待!!

但係太太有左呢段時間, 就唔太適宜撘飛機, 又去唔到旅行, 小編都唔呃你, 太太同我6張免費房券同埋一D現金券會在呢一年內過期, 咁唔通我同太太就咁係香港住晒去??咁你話點算呢??





在酒店控-LOUIS的置訂文章(按我)有教過大家如何同酒店談心, 咁我而家又俾多個實例你, 如果太太懷孕去唔到旅行, 我地又點談心呢??

作為酒店控-LOUIS的太太, 身邊有點會無免房券呢?? 太太的戶口2張萬豪酒店的CAT 1-5 酒店房券, 其中一張到今年7月就過期, 所以同佢談談心先!!

意思大概講有左BB, 所以就唔方便去旅行又用唔到D券, 想叫佢EXTEND俾我, 而且我會把太太睇醫生証實懷孕的証明SCAN 左俾佢, 等佢更加可以EXTEND俾你

當記得談心時對住美國人, 記得加返句”GOD BLESS YOU” , 會比較見效!!

佢就幫我EXTEND去到2019年1月, 咁我就有長D時間可以諗點用啦!! 同埋萬豪佢都幾好,佢再補多句, 如果都仲未用到就可以再同佢講再EXTEND喎!!

太太話自己有左出唔到去旅行緊係合情合理啦, 咁老公都要係香港照顧大肚老婆又係合情合理喎, 咁我又試下用自己的SLH戶口的免房券, 用同一個理由, 睇下又得唔得先

唔知點解我有SLH免費房券(可住馬爾代夫), 睇下呢編文章溫故知新, 按我

咁小編又寫個EMAIL去SLH問下可唔可以因為太太有左,而叫佢幫我3張房券EXTEND呢?? (我呢3張房券係2018年12 月到期)

咁結果呢??

SLH佢地好好, 因為佢第一句係恭喜我地, 無萬豪好似例行工事咁, 比較人性化!!當然啦佢會幫我EXTEND到去2019下年6月, 等我多D時間去用張券!

總結:

酒店始終係服務性的行業, 如果你的要求唔係好過份的, 我相信只要透過談心, 大部份酒店都會幫到手!! 好似我同太太個CASE, 如果唔係叫佢地去EXTEND免房券, 咁就會白白浪費左去住靚酒店的機會啦!!

其實係外國FORUM, 我見過有位持航空公司高級會藉的女士, 因為懷孕的關係, 寫信到航空公司話自己大肚飛唔到咁多, 所以儲唔到保級的里數, 最後航空公司無條件EXTEND左一年高級會藉俾佢!!

如果你覺得小編的資訊有用的話, 請你給我一個讚及分享出去

多謝大家