豬年到了!! 今日教大家玩呢隻豬, "飛豬"

各位朋友好!! 很久無同大家見面了!!

因為小弟工作上的忙碌以及成為爸爸後, 覺得時間真的不夠用!!

但小編始終心繫旅遊業, 所以真的好想分享自已所知道的資訊及優惠給大家!!

豬年己經到了, 今日跟教大家玩呢隻"豬", 它就是"飛豬"了

"Louis Kwok , 咁耐無見, 一返來就介紹D國産名牌, 我知道佢有好多旅遊産品可以預訂, 但中國大陸既野, 你懂的"



無錯, 雖然佢都係淘寶的好朋友, 但飛豬內真係有好多優惠可以俾到我地!!我覺得很值得跟大家介紹一下

首先我地要先到飛豬的網站: www.fliggy.com
由於飛豬同淘寶都係同一個爸爸, 就係阿里爸爸, 所以你可以用淘寶的密碼登入飛豬.!!!!!!

大家可能對飛豬認識得唔太深, 所以我想很簡單的介紹一下飛豬:
飛豬係一站式的旅遊産品網站, 你可以在內購買機票/酒店/火車票, 預訂門票景點, 以及預訂LOCAL TOUR. 而且飛豬內也有機+酒的套餐預訂!!

簡單的來說, 你可以把他當成EXPEDIA一樣, 基本上乜野的旅遊産品都可以訂得到!!

"Louis Kwok , 咁學你話齋, 我係EXPEDIA訂咪得囉, 駛鬼係飛豬訂咩??"

我叫得你地睇, 咁緊係有著數啦!!

飛豬上面有一個會員級別(分別係F1/ F2/ F3), 我覺得可以攞來講下!!

F1: 只要係註冊就係F1會員
F2: 一年內要累積6000經驗值
F3: 一年內要累積20000經驗值, 而且獲得邀請, 才可到達F3

"Louis Kwok, 區區一個內地APP, 佢又點會令到你可以升級房間??F3而且可以有免費早餐咁勁??"

雖然有D取巧, 但我不得不否認佢會員F2同F3的權益確實不錯, 例如:

1)特價酒店住宿 (F2:每年兩次)

F2會員可以每年用里程加$400住精選酒店, 而且每星期四會更新, 不過可惜只限國內的酒店!!

2) 萬豪酒店挑戰 (金卡及白金卡挑戰)

其實呢個都幾著數, F2可以住2晚升金, F3會員可以住3晚升白金, 不過佢個挑戰去到2月中, 所以不作詳細介紹!!

3)香格里拉金環會挑戰

F2會員只要住5晚升翡翠, F3會員只住1晚可升翡翠

4) 新航金卡挑戰

我諗呢個係暫時最正的優惠, F2會員只要在飛豬注冊挑戰, 飛一次可得新航銀卡, F3會員只要飛一次即可得新航金卡, 大家不要忘記, 新航金卡即係星空聯盟金卡, 可以在乘任何星空聯盟航班都可以得到權益, 例如, 可帶一人進貴賓室, 優先上機等等

"Louis Kwok , 聽你講就好似好勁咁, 但你頭先話要有6000經驗值先可以升F2, 點D經驗值點練返來??"

作為一個謀利機構, 最簡單的方法就係"買買買" , 只要係佢度消費, 每2蚊人仔就可以賺1個經驗值, 如果要升F2, 就要駛12000蚊人仔先升到!!

當然啦, 如果要駛咁多錢, 我都唔制啦!! 等我又教下大家可以點玩!!

由即日起至3月31日, 只要利用飛豬訂購以下項目, 每個項目都可以得到1500經驗值, 最多可以得到4500經驗值

依我來看, 最簡單的是酒店, 度假/門票以及火車票!!

A)酒店來說, 例如我地要去曼谷W住一晚, 2月28號入住, 飛豬內萬豪官網報價為1496人仔(連稅)

咁我地又去到酒店格價網睇下, 為方便大家比較, 所以我把價錢轉為人仔及以連稅, HOTELCOMBINED話俾我地聽, 最平為1524人仔!

而且, 如果在飛豬內的萬豪預定 (marriott海外旗舰店), 你是可以獲得STAY以及可以享有萬豪會員的權益

B)渡假/門票:

這個非常簡單, 除了買門票之外, 你也可以買上網電話咭, 最平10-20蚊人仔都已搞掂!!

C)火車票

例如小的想跟太太返深圳玩玩, 我可以透過飛豬預訂高鐵門票, 由西九龍去福田, 買兩張票共136人仔, 又可以搞掂了!!!

就係咁簡單, 你就可以攞到起碼4500經驗值, 距離升上F2又大大縮短了!!!

"Louis Kwok , 其實仲差成1500經驗值先升F2, 即係要用多成3000蚊人仔先升呢喎, 有無咩辦法簡單D呢??

其實飛豬呢個網站, 只要經你戶口訂野, 就算幫朋友訂, 幫公司同事訂, 幫你爸媽訂, 所有的洗費都會變經驗值, 唔一定要全部係你自己用, 其實咁樣已經好簡單, 香港人咁鐘意去旅行, 幫朋友訂下酒店, 訂下機票, 一D都唔難儲到!!

如果真係好難訂咁多野, 儲唔到咁多經驗值喎, 咁點算呢?? 都仲有辧法既!!

飛豬有D店鋪會出售"香港八達通", 有D野唔好講到咁明, 自己諗下點樣利用八達通增加經驗值啦!!

後記及展望
作為阿里爸爸旗下的旅遊公司, 飛豬一定會繼續大放光明, 2018年已有萬豪/香格里拉酒店/新加坡航空同飛豬合作, 2019年還會有什麼國際旅遊集團會跟飛豬合作呢?? 我沒有資料去估計, 但2018年度, 中國出境外遊人數已超過1.4億人次, 不均每人駛費約1.3萬人仔.這個數以百億去計算的餅, 我估計將會有不少國際級的集團會跟飛豬合作, 大家可以留意留意!!